NA MWANDISHI WETU, DAR ES SALAAM
KAMPUNI ya Ndege ya Emirates imesema itaongeza idadi ya safari zake na kufikia safari tano kwa wiki kwa muda wa siku saba za wiki kutoka Dar es salaam kwenda Dubai kuanzia Mei 1, 2023.
Ongezeko hilo ni sehemu ya ongezeko la asilimia 31 la utendaji kazi wa Emirates duniani kote tangu kuanza kwa mwaka wake wa fedha.
Akizungumza na waandishi wa habari Ofisa Mkuu wa Biashara wa Emirates Adnan Kazim, amesema katika miezi iliyopita, shirika la ndege hilo limepanga na kutekeleza ukuaji wa haraka wa shughuli zake za mtandao kurejesha huduma kwa miji mitano kuzindua safari za ndege kuelekea eneo jipya ambayo ni Tel Aviv.
Amesema Emirates inaongeza safari za ndege 251 za kila wiki kwenye njia zilizopo na kuendelea na usambazaji wa uboreshaji wa huduma angani na ardhini.
“Emirates inaendelea kupanua mtandao wake wa kimataifa na kupeleka uwezo wake ili kukidhi mahitaji ya usafiri duniani kote,mwaka wetu wa kifedha ulianza kwa utulivu tulipozuia njia panda yetu hadi mpango uliopangwa wa ukarabati ya uwanja wa ndege wa Dubai ukakamilika mwezi Juni,ambapo kuanzia Julai 2022 na kuendelea, imekuwa upanuzi usio na kikomo,”amesema na kuongeza
“Emirates inafanya kazi kwa bidii katika nyanja kadhaa kurudisha uwezo wa kufanya kazi kwa haraka kadri mfumo ikolojia unavyoweza kudhibiti, huku pia ikiboresha ndege na bidhaa zetu ili kuhakikisha wateja wetu wanafurahia matumizi bora zaidi ya Emirates kila wakati,”amesema.
Kazim amesema kufikia sasa, ndege zao nne zimerekebishwa kabisa na vyumba vipya vya ndani na viti vya daraja la kawaida, na zaidi zitaanza kutumika huku programu ya uboreshaji wa huduma ikiendelea kushika kasi.
Kazim amesema ndani ya miezi ijayo, njia kuelekea Afrika, Australia na Ulaya, zitahudumiwa kwa safari nyingi zaidi za ndege za Emirates, huku Asia Mashariki, miji mingi ikiendelea na safari za ndege.
